бағыттау және нысананы көрсету пункті

(Пункт наведения и целеуказания)

әуедегі авиациялық ұшу аппараттарын (ҰА), ұшақтарды, тікұшақтарды басқару пункті. ҰА-ын ұрыс қимылдары аудандарына шығаруды, жойғыштарды әуе нысанасына бағыттауды қамтамасыз етуге, сонымен қатар авиация және құрлық әскерлерінің зениттік-ракеталық бөлімдерінің (бөлімшелерінің) өзара әрекеттестігін жүзеге асыруға арналған. Б.н.к.п-рі жер үсті немесе әуелік (ҰА) болуы мүмкін. Ол радиолокация, байланыс және автоматтандыру құралдарының кешенімен жабдықталады. Ол ҰА-ның экипажы нысананы көзбен немесе борттық радиолокациялық байланыс көмегімен байқауы және шабуылды орындауды қамтамасыз етуі үшін нысанаға тактикалық қолайлы жағдайға шығаратын радиолокациялық байланыс және автоматтық құралдар толымымен жабдықталады. Б.н.к.п. нақты тапсырмаларды авиациялық құрамалардың (бөлімдердің) командалық пункттерінен алады. Бұдан басқа, әскери-әуе күштерінде (ӘӘК) шағын мақсаттағы бағыттау пункттері, яғни әуедегі жойғыш авиацияны басқару пункттері құрылады.